Aizskrīt da vysim Rēzeknes nūvoda pogostim jeb akceja “Tyvuok tautai”

Jau nu pavasara Rēzeknes nūvoda deputati reizi mienesī organizej īdzeivuotuoju pījimšonu kaidā nu nūvoda pogostim. Sevkurs cylvāks var atīt i apsarunuot par pogostā i sev aktualim vaicuojumim. Juoatzeist, ka cylvāku aktivitāte nav lela, deļ tam, vysbīžuok deputāti pījimšonys laiku izmontoj sarunuos ar pogosta puorvaļdis darbinīkim, i apstaigojūt pogosta centra apleicīni.
Lai mynātūs pogostu apmekliejumim dalikt pīvīnuotū vierteibu, Rēzeknes nūvoda dūmis deputats Guntis Rasims, suocūt ar ituo gods oktobra mienesi, nūliems apvīnuot pateikamū ar lītdereigū – reizi mienesī apmeklēt kaidu nu pogostim, ceļu da pogosta centram nu Rēzeknis (i atpakaļ) mārojūt kuojom, kūpumā tyvuokuo pusūtra goda laikā nūskrīnūt 1000 kilometru. Tai kai skrīšona ir vīns nu deputāta hobijim, tod taida akceja byus gona reali paveicama. Sovā zinī tys ir i aicynuojums sevkuram aizadūmuot par veseleigu dzeivisveidu.
Kai pyrmīs pogosts itymā godā ir izvālāts Ūzūlaine, kur Bekšūs, 23.oktobrī, sevkurīs varēs redzēt Gunti. Planavuota izskrīšona nu Rēzeknis nūvoda dūmis administracejis ākys ap plkst. 12:00. Paradzamuo īskrīšona Bekšūs ap 13:15. Rēzekne – Bekši (~13 km)
ītūgod vēļ planavuots daskrīt novembrī da Iļžukolna (~16km) i decembrī da Audriņu (~11km). Konkretī datumi laiceigi tiks paziņuoti.
Guntis Rasims
Rēzeknes nūvoda dūmis deputats