Lelveikalā “Ūga” prezentēs Latgalīša ID karti

30. septembrī 10 stuņdēs Latgolys lelveikalā “Ūga” nūtiks Latgalīša ideņtitatis (ID) kartis prezentaceja i programys “Sajem vaira” atkluošonys pasuokums.
Latgolu veidoj leli cylvāki, stypri raksturi i intima nūslāgteiba, kas vīnā šaļtī puoraug lelā atvierteibā. Ite vyss ir pa eistam – eista ciļvieceiba, eista sirsneiba i patīsa mīlesteiba pret dorbu, kas ir latgalīšu ideņtitatis styurakmiņs. Gribiešona vīnkuoršai i ar smaidu sejā izruodeit sovu pīdereibu Latgolai ari ir jaunuos Latgalīša ideņtitatis (ID) kartis pamatā.
“Byut par latgalīti nūzeimoj attaiseit sirdi i dūt. Dūt vaira kai prosa, dūt nu seve i pa eistam. Asam apzynuojuši tūs Latgolys saiminīkus, kuri ar vysu sirdi i dvēseli dora sovu dorbu i nas Latgolys vuordu pasaulī. Mes jūs saucam par Latgolys viestnešim – tūs vydā ir i muižys, i Latgolys keramiki, i muokslinīki, veikali i zemnīku saimisteibys. Gastejūt pi Latgolys viestnešu i paruodūt sovu Latgalīša ideņtitatis karti, jums byus vareiba sajimt vaira – nadaudz vaira uzmaneibys, kaidu mozu duovaneņu voi stuostu, kas padareis gasteišonu tyvuoku i personiskuoku, tai veidojūt eistuos sajiutys i izpratni par Latgolu,” tai jaunīvadumu komentej Latgolys eksporta platformys “XLatgale” puorstuovi.
Latgalīša ideņtitatis (ID) karte apvīnuos Latgolys viestnešus i tierdznīceibys centru “Ūga” vīnuotā klientu programā zem saukļa “Sajem vaira”. Karte byus personaliziejama – iz tuos varēs nūruodeit sovu vuordu, pavuordi, īsauku, dzimšonys datus, nūvodu, kai ari sovu karteņu.
Pasuokuma dīnā apmaklātuoji varēs tikt pi sovys personeiguos Latgalīša ideņtitatis (ID) kartis par breivu. Piec 30. septembra tū varēs īsaguoduot par 3 eiro tīpat lelveikalā “Ūga” voi pasyutūt sātyslopā xlatgale.lv. Ar asūšū “Ūgys” karti, jaunū Latgalīša ideņtitatis (ID) karti varēs īsaguoduot ar 1 eiro atlaidi.
 
Aija Vanaga: 26385873
 
 

Click to listen highlighted text!