Rodūšūs dorbu konkurss veļteits Latgolas patriotam i dzejnīkam Ontonam Slišānam

Dzejnīks, rakstnīks, folklorists, nūvodpietnīks i muokslinīks Ontons Slišāns ir zīmas saulgrīžu bārns, dzims 28. decembrī, bet vuordadīnu svieteja 18. janvarī. Itys laiks Ontonam beja rodūšais laiks, kod jis sovu aktivū darbeibu veļteja Zīmeļlatgolai. Raudzeisim sajust Ontona Slišāna goru – pīsadolūt rodūšūs dorbu konkursā. Šūgod konkurss nūteik Ontona Slišāna 70 godu jubilejas godā.
Mierkis: aplīcynuot pīdareibu i mīleisteibu sovam dzymtajam nūvodam i styprynuot latgaliskū kulturidentitati.
Organizators: Namaterialuos kulturas montuojuma centru „Upīte”.
Daleibnīki: Latgolys nūvoda školu školāni i pīaugušī.
Nūtikšonas laiks: 2018. goda 1. decembris – 2019. goda 18. janvars
Konkursa aizdavumi daleibnīkim:
1. Rodūšīs darbs (eseja, miniatura i tt. dorbu var raksteit gon latvīšu literarajā, gon latgalīšu rokstu volūdā) „Vyss apleik maņ munā volūdā skaņ…” /O.Slišāns/.
Viertiešona byus pa vacuma grupom:

• 1.–4. klase dorbu var īsnēgt rūkrokstā, dorba lelums 1 A4 formata lopa
• 5.–7. klase dorbu īsnādz datorrokstā, dorba lelums 1 – 2 A4 formata lopas
• 8.–12. klase dorbu īsnādz datorrokstā, dorba lelums 2 – 3 A4 formata lopas
• Pīaugušī 20 godus vaci i vairuok dorbu īsnādz datorrokstā, dorba lelums vairuok par 3 A4 formata lopom

2. Zeimiejumu konkurss „Vyss apleik maņ munā volūdā skaņ…” /O.Slišāns/. (Godalaiki).
Dalībnīki var izavieleitīs O.Slišāna dzejūli (piec sovys izvielis), kurā ir atainuots kuods nu godalaikīm i tū ilustriet. Voi sovā dorbā var atainuot poša meiluokū godalaiku
Dorbu formats: A3 lopa. Tehnika: gleznojums voj grafika (tiks viertiets atsevišķi).
Viertiešona byus pa vacuma grupom:

• pyrmsškola (4–6 godi)
• – 3. klase
• – 6. klase
• 7. – 9. klase
• 10. – 12.klase
• Pīaugušī 20+

Kotrys školāns var pīsadaleit obejūs konkursūs voi tikai rodūšūs dorbu, voi zeimiejumu konkursā. Kotrys daleibnīks var īsnēgt naīrūbežuotu skaitu sovu dorbu.
Dorbi juoīsnādz da 2019. gada 14. janvara vīnā nu sev ārtuokūs veidu:

• Syutūt pa postu: „Rodūšūs dorbu konkurss” Namaterialuos kulturas montuojuma centrs “Upīte”, Akas laukums 1, Upīte, Škilbanu pogosts, Vileks nūvods, LV-4587
• Rodūšū dorbu var īsnēgt ari syutūt iz e-postu: upites.muzejs@gmail.com
• Upītes bibliotekā, Akas laukums 1, Upīte, Škilbanu pogosts, Vileks nūvods. Nu ūtardīnes leidz pīktdīnei

Dorbam juodalīk: školāna Vuords Pavuorde, vacums, klase, muoceibu īstuode, školuotuoja/konsultanta Vuords Pavuorde, kontakttelepons, e-posts. (daleibnīks snādz iz sevi attīcynojamuos zinis)  Nūslāguma pasuokums i uzvarātuoju apbolvuošona 2019. goda 18. janvarī Upītē.
Naskaidreibu gadejumā zvaneit: Sandrai Bukšai 26307566 voi Ligitai Spridzānei 29868786 voi raksteit upites.muzejs@gmail.com.