Vogulu saimis radūšuo piecpušdīne Latgalīšu rakstnīceibys muzejā

2020.gada 25. janvarī plkst. 14.00 Vladislava Lōča Latgalīšu rakstnīceibys muzejā Rēzeknē, Kruoslovys īlā 4B nūtiks izcilajai keramiķu i muokslinīku Vogulu saimei veļteita daiļradis piecpušdīne. Tamā daleibu jims ari folklorys kūpa “Kolnasāta”.
Keramikis Voldemārs Voguls (dz. 1952.g.) 2019.g. izskaņā izdevs sovu pīktū dzejis kruojumu “Dzeiveibas sola”. Leidz tam izdūti: “Uz zvaigžņu tylta” (1998), “Mes vīnā laikā” (2002), “Aglyunas patvārumā” (2005), “Sirds bolss” (2013). Sovukuort latgalīšu pedagogs, muzikis i literats, dricānīts Ontons Matvejāns (1937-2008) daudzejim Voldemāra Vogula tekstim komponiejs muzyku, radeidams unikalus skondorbus.
Daiļradis vokorā viereiba tiks pīgrīzta ari keramikys topšanai i tuos nūzeimei Voldemāra i Olgys Vogulu dzeivē, jo kai nikai – ari obeju dāli sevi ir atroduši itamā muokslys veidā. Kai atzeist Vladislava Lōča latgalīšu rakstnīceibys muzeja vadeituojs Pīters Lōcs ideja par itaidu pasuokumu rodās, pasasokūt Voldemāra pīktajam dzejūļu kruojumam “Dzeiveibas sola”.
Iz pasuokumu aicynuots sevkurs interesents, kas gotovs klauseitīs, vaicuot i byut kluot!
Ziņu sagatavieja:
Vladislava Lōča fonds,
Harijs Bernans: 29415999, bernans@gmail.com
Vaira informacejis par pasuokumu:
Pīters Lōcs (6667368)