Daudzpuseigais Ontons Kūkuojs: Lekceja i dokumentaluo kina
Dokumentaluo kina par Ontonu Kūkuoju “Izdzeivuot pīdereibu. Dzeive gleznuos”, stuosts i saruna ar kinys režisoru Voldemāru Ivdri.
Lekcejis suokumā byus vareiba nūsavērt dokumentalū kinu “Izdzeivuot pīdereibu. Dzeive gleznuos”, kas ir veļtejums Latgolys kulturys darbinīka Ontona Kūkuoja septiņdesmitgadei. Filma paruoda O. Kūkuoja daudzpuseigū personeibu literaturys, teatra, muokslys sferuos, sovūs īspaidūs i dūmuos tamā doluos juo laikabīdri i tyvinīki. Kinys veiduotuoji ir Voldemārs Ivdris i Māris Justs, Sovvaļnīka (Ingara Gusāna) muzyka. Piec kinys kūpeigys sarunys ar kinys veiduotuoju Voldemāru Ivdru par Ontonu – kaids jis beja kasdīnā, kaids ir juo davums Latgolai i Nautrānu kulturtelpai, kai ari par juo personeibu.
Lekcejis suokumā byus vareiba nūsavērt dokumentalū kinu “Izdzeivuot pīdereibu. Dzeive gleznuos”, kas ir veļtejums Latgolys kulturys darbinīka Ontona Kūkuoja septiņdesmitgadei. Filma paruoda O. Kūkuoja daudzpuseigū personeibu literaturys, teatra, muokslys sferuos, sovūs īspaidūs i dūmuos tamā doluos juo laikabīdri i tyvinīki. Kinys veiduotuoji ir Voldemārs Ivdris i Māris Justs, Sovvaļnīka (Ingara Gusāna) muzyka. Piec kinys kūpeigys sarunys ar kinys veiduotuoju Voldemāru Ivdru par Ontonu – kaids jis beja kasdīnā, kaids ir juo davums Latgolai i Nautrānu kulturtelpai, kai ari par juo personeibu.
Septembra vydā Latvejis Nacionalais kulturys centrys paviesteja, ka Latvejis Nacionalais namaterialuo kulturys montuojuma saroksts itūgod papyldynuots ar sešim jaunim elementim, kurūs vydā ari Nautrānu kulturtelpa. Niu, oktobrī i novembrī, latgalīšu kulturys kusteiba “Volūda”, sasadorbojūt ar Rēzeknis nūvoda Nautrānu kulturys centru, aicynoj iz sešu lekceju cyklu Nautrānu kulturtelpys viesturis i vierteibu izzynuošonai.
Vysys lekceju cykla nūtikšonys ir daīmamys kotram grybātuojam, īīšona bez moksys.
Nūtikšonu cyklu projektā “Nautrānu kulturtelpys styprynuošona” eistynoj latgalīšu kulturys kusteiba “Volūda”, kas ir vīna nu Nautrānu kulturtelpys dasacejuma autoru. Nūtikšonys atbolsta Latvejis Nacionalais kulturys centrys konkursā “Latgolys namaterialuo kulturys montuojuma styprynuošonys i populariziešonys pasuokumu nūdrūšynuošona 2025. godā”, Rēzeknis nūvoda Kulturys i turysma puorvaļde, Nautrānu apvīneibys puorvaļde i Nautrānu kulturys centrys.