Koncerts “Gitara i varganis”
Koncerts ir īplānuots kai skaista duovona jubilejis godā, kam itūgod Nautrānu Vyssvātuokuos Jaunovys Marijis Bezvaineiguos ījimšonys Romys katuoļu bazneicai ir divejis īvārojamys jubilejis – 110 gadu, kai īsvieteits asūšais dīvnoms, i 85 godu jubileja draudzis varganem, kas ir Vaļsts nūzeimis muokslys pīminieklis (Nr.4000). Ari Rogovkai itūgod 225 godu jubileja.
Vargaņu i elektriskuos gitarys apvīnuojums duetā ir na viņ Latvejā, bet ari Eiropā novatorisks izaicynuojums, kas ļaun paruodeit i obeju instrumentu vareneibu i spāku, i intimitati i maigumu, kai ari spieju veiduot dialogu. Armands Alksnis daudzim zynoms kai nazkodejais grupys “Credo” gitarists, kurs teik skaiteits par vīnu nu Latvejis lobuokajim sova omota bruolim. Ilona Birģele piec Juoņa Ivanova Rēzeknis muzykys koledžys absolviešonys klavīru specialitatē i fakultativi – vargaņu spēlē – studēja Latvejis Muzykys akademejā Ligitys Sneibis vargaņu klasē, bet maģistra grādu dabuoja prof. Tālivalža Dekšņa vargaņu klasē. Dzymuse i auguse Varakļuonūs, bet ar dzymtys saknem Nautrānu pusē. Koncertu organizej bīdreiba “Sovim ļaudim” sadarbeibā ar Nautrānu apvīneibys puorvaļdi.
Īīšona par zīduojumim bazneicai