Leiksnys amaterteatra “Maskas” izruode “Godsymta lopsu medeibys”

Nautrānu kulturys centrā gasteis Leiksnys pogosta Kulturys noma amaterteatris “Maskas” (režisors Māris Korsiets) ar Elizabetis Haferis komedeju “Godsymta lopsu medeibys”. Izruode viesteis par tū, ka dzeive laukūs reizem saguodoj vysaidys bādys, eipaši, ka esi vīntuļa sīvīte cīnejamā vacumā. Tok maiguo dzymuma speiteiba i rodūšuo pīeja spiej atrysynuot daudzys klopotys. Eipaši, ka tyvumā ir izpaleidzeigys siebrineicys i galants sābris.
Par itū izruodi Leiksnys pogosta Kulturys noma amaterteatris “Maskas” sajēme “Gada izrāde 2023” bolvu kei lobuokīs komedejis īstudiejums. Amaterteatra režisors Māris Korsiets ir akters, režisors, režisora asistents i dramaturgs, kas pazeistams ar sovu dorbu Daugovpiļs teatrī, kur ir īstudiejs vairuokys izruodis. Kai akters Māris ir pazeistams ari ar kolorituo školuotuoju lūmu filmā “Fati” i “Fati 2”.