Jaunūs literatu konkursa dorbu īsyuteišonys laiks teik pagarynuots

Nautrānu pogosta puorvaļdis izsludynuotuo “Jaunūs literatu konkursa” dorbu īsyuteišonys laiks teik pagarynuots leidz 20. juņam.  Konkurss ar moto “Tu tymsumam par speiti nes sovu gaismekleiti”  veļteits dzejnīka Pītera Jurceņa 89. godu jubilejai. 

Konkursa laureatu apbolvuošona nūtiks 2021. goda 29. juņa pasuokumā “Pīterdīna Rogovkā” Rēzeknis nūvoda Nautrānu pogostā. Kotrys nominacejis laureats sajims naudys premeju 100 (vīns symts) EUR, kai arī specbolvu nu LVLKŠA par bārnu prozu latgalīšu volūdā.

Konkursā var pīsadaleit kotrys, kurs ir pīrakstejs nūlykumam atbylstūšu, vēļ napublicātu dorbu  latgalīšu volūdā. Dorbi tiks vierteiti pīcuos nominacejuos: dzeja, proza, skečs voi vīncielīņs, bārnu literatura i latgaliskūs vierteibu paruodeišona sevkura dailliteraturys žanra dorbā. Konkursam dorbi juoatsyuta leidz 20. juņam (īskaitūt) pa postu “Pagastmāja”, Rogovka, Nautrēnu pagasts, Rēzeknes novads, LV-4652, ar nūruodi “Jaunūs literatu konkursam”, voi elektroniski (iz e-postu: inga.vigule@rezeknesnovads.lv, nūruodūt  autora vuordu, uzvuordu, telefona numeri, adresu, nūsadorbuošonu.

Seikuoka informaceja nūlykumā.  

 Inga Vigule,  Nautrānu sporta hallis - KN vadeituoja