Izruode “Jaunais politiks”
Pyrma Saeimys vieliešonu Nautrānu kulturys centrā gasteis Baļtinovys amaterteatris “Palādas” ar Pītera Apšinīka komedeju “Jaunais politiks”.
Lugys darbeiba viestej par jaunu saiminīku, kurs grib nūpeļneit naudu sovai saimisteibai i deļtuo jis nūsprīž īsasaisteit prīškvieliešonu agitacejā ci politikā. Izruode ar humoru viestej par varūņu gaitom i pīdzeivuojumim vieliešonu ceiņā.
Baļtinovys amaterteatris “Palādas” ir dybynuots 1999. godā i ir sajiems skateituoju simpateju bolvu “Boņuks 2023”, kai ari ir plaši pazeistams ar sovom latgaliskuo humora izruodem.