Tautys muzykantu saīts “Večerinka “O, bļaka!”

Kotru godu maja beiguos Rogovkā nūteik tautys muzykantu saīts ar nūsaukumu “Večerinka “O, bļaka!”. Itūgod saīts nūtiks jau 15. reizi!

Pasuokumā pīsadaleis tautys muzykanti nu tyvuokys i tuoluokys apleicīnis: nu Rēzeknis nūvoda Pīters Bilinskis, Ontons Savickis, Anna Višķere, Ontons Butkāns, Vinsents Kūkuojs i Rihards Kūkuojs, nu Bolvu nūvoda Eventijs Zelčs, Genādijs Rudukovs, Venārs Dūre, Vitālijs Plešs, Kristiāns Šaicāns, Andris Kazinovskis, Jezups Zaremba, Pīters Jermacāns, nu Ludzys nūvoda Daiņs Ločmelis, nu Augšdaugovys nūvoda Aleksandrs Boginskis, Juoņs Mukāns, Juoņs Ģipters i cyti.
Pasuokumu kuplynuos “Latgales Klezmeri”, Brīžucīma dāmu muzykaluo apvīneiba “AMMA”, Kociņu kapela, Saļņovys pogosta kapela “Sveicinojam, vielejom”, Dekšuoru pogosta tautys noma lauku kapela “Kūzula muzikanti”, Vinsents Kūkojs i “Trikmīņs” i. c.

Nautrānu kulturtelpys īpazeišonys cyklys “Pavei, kas pi myusu!” aicynoj pyrma tautys muzykantu saīta “Večerinka “O, bļaka!” dūtīs iz “Dainas dārznieku skolu” apsavērt daiļduorzu, īpazeit permakulturu i satikt saimineicys Dainu i Martu. Apmeklejumu laiks 16.00-18.00, īprīšk dasasokūt (20260033, Marta). Apmeklejuma cena: 3,00 EUR.

Sevkurs aicynuots dzīduot, doncuot i pavadeit vokoru kūpā ar tautys muzykantim!