Erudicejis spēle “Nu troki gudrys!” Rogovkā
Jau ūtrū reizi Nautrānu sporta hallē – KN 16. martā plkst. 11.00 nūtiks erudicejis spēle “Nu troki gudrys!”.
Spēlē var pīsadaleit sevkura komanda, kurā daleibnīku skaits ir nu 2 (divi) leidz 6 (seši). Kotrys daleibnīks dreikst startēt tikai vīnys komandys sastuovā. Spēlē var pīsadaleit tikai tī daleibnīki, kuri ir dasasacejuši.
Spēlē byus vareiba puorbaudeit sovys zynuošonys i erudiceju par Latveju, Latgolu i Nautrānu pogostu!
Nasabeist, ka kaut kū nazynuosi, golvonīs - cik daudz tu izzynuosi! Dasasaceit daleibai ir vareiba, rokstūt iz e-postu inga.vigule@rezeknesnovads.lv voi sasazynojūt telefoniski, zvonūt iz mob. 28335357 (Ingai) ci mob. 20260033 (Martai). Dasacejumā juonūruoda daleibnīku skaits i komandys nūsaukums. Gaidoms ari keids muzykals puorsteigums! Daleiba spēlē ir bez moksys i bez vacuma īrūbežuojumim.
Iz sasatikšonu!
Inga Vigule, Nautrānu apvīneibys kulturys pasuokumu organizatoru vadeituoja
