Saulgrīžu svātki Līpu alejā, Dubuļūs. Aicynojam sevkuru iz maģisku eisuokuos nakts svieteišonu, kur pasuokums “Zalta rosa rūtojās” byus kai myrdzūša nakts, kurā zuoļu smuords, guņs gaisma i dzīšmu skanis sasaveis vīnā svātku vaiņukā.
Programā:
Plkst. 19.00 – Amatnīku i sātys ražuotuoju tierdzeņš – izgaršoj i īsaguodoj vītejū meistareibu i gordumus.
Plkst. 20.00 – Rodūšuos darbneicys:
• vaiņuku veišona i rūtu taiseišona,
• Juoņu zuoļu laseišona i atpazeišona,
• sīra sīšona meistaru vadeibā,
• ols dareišonys tradiceju īpazeišona,
• kūpeiga zuoļu veitnis taiseišona.
Plkst. 21.00 – Saulgrīžu koncerts, saulis pavadeišona, rūtalis i guņs īdegšona kūpā ar Kaunatys apvīneibys kolektivim – Čornuos pogosta Ratinīku folklorys kūpu “Rateņš”, Kaunatys tautys noma folklorys kūpu “Rāzna”, Muokūņkolna folklorys kūpu “Mākoņkalns”, Kaunatys vydsškolys folklorys kūpu “Rāznaviņa”, Kaunatys tautys noma videjuos paaudzis deju kolektivu “Kaunata”, Kaunatys tautys noma jaunīšu deju kolektivu “Rasa”, Kaunatys vydsškolys 3.–6. klašu deju kolektivu “Rasiņa” i amaterkolektivu “Runotoji”.
Plkst. 22.10 – Aigara Tauriņa komedeja “Puordūtī svātki” – Saļņovys pogosta amaterteatra dzeivisprīceiguo izruode. Situaceju komedeja, kuruos darbeiba nūteik kaidā pogostā, kur Reigys deputats Capnikova kungs ar kuņdzi nūpierk lauku eipašumu i grib, kab pogosta dzeivuotuoji par lobu samoksu sareikoj jim svātkus. Smīkli, tuos ir myusu pozitivuos emocejis, kas dora gaišuoku kasdīnu. Draudzeigā pulkā ari smīkli skaņ cīšuok, partū aicynuoti vysi, kam svareiga i vajadzeiga vīna loba pozitivūs emoceju dava.
Plkst. 24.00 – Saulgrīžu balle ar Saļņovys kapelu “Sveicynojam vielejam” – doncojam leidz pat sauleitis ausšonai! Reita agrumā – rosys laseišona ar dvīlim i svineiga sauleitis sagaideišona. Lai zalta rosa rūtoj dvēseli i nakts puortūp par gaismys svātkim!