“Gaisma stypram goram” Nautrānu pogostu apvīneibā
Nautrānu pogostu apvīneiba aicynoj nedelis garumā izbaudeit pastaigys svaigā gaisā ar gaismys i muzikys pavadeibu, kab itymā, jūprūjom sarežģeitajā, laikā mes rostu spāku, ticeibu, ka nikas nav apsastuojs, ka sevkuram muokuļam ir zalta maleņa.
Suokūt nu 14. februara leidz 19. februarim, laikā nu 18:00 leidz 22:00, kotrā Nautrānu pogostu apvīneibys pogostā nūtiks Gaismys styga:
14.02 - Nautrānu vydsškolys bārzu bierzī i sporta laukumā (suokums pi vydsškolys dīnesta vīsneicys);
15.02 - pi Iļžukolna tautys noma;
16.02 - Bieržgalis muižys teritorejā (suokums pi školys lapenis);
17.02 - Lendžu breivdobys estradis teritorejā;
18.02 - Veremu breivdobys estradis teritorejā;
19.02 - Audreņu školys sporta laukumā.
Apmeklejūt stygu, nasapuļcejit, īvārojit distanci i vīnvierzīņa kusteibu!
Ideja par Gaismys stygu roduos pyrms goda, kod dažaidu īrūbežuojumu dieļ vyss ruodejuos tymsuos kruosuos. I tai pārnejuo goda 11. februarī Rogovka īzamirdzeja dažaiduos kruosuos, īzadaga lada svečturi i suoka skaneit spācynūša latgalīšu muzyka. Itūgod Gaismys styga ceļuos pa vysu Nautrānu pogostu apvīneibu, lai tei gaisma i gora styprums īt plašumā. Pasuokuma laikā nūtiks gaismys rūtalis ar snīgu, mirdzēs dažaidi dekori i vysam puori – stypruos latgalīšu dzīsmis! Arī pošys stygys tiks veiduotys tai, lai pastaiga pa juom izavārstu ilguoka i interesantuoka.
Inga Vigule,
Nautrānu pogostu apvīneibys Kulturys centra vadeituoja
Īskots paguojušuo goda Gaismys stygys nūrisē Rogovkā: