Ļusteigīs koncerts “Sadoncojam ar Zīmyssvātku čyguonim”
Čyguonūs īšona ir seņu senejuo zīmys laika tradiceja, kas nu jauna byutu juoceļ gūda vītā. Aicynojam sadoncuot ar Zīmyssvātku čyguonim!
Pasuokuma programā:
- Čyguonu gaideišona;
- Čyguonu guojīņs ar teatralizāta dialoga elementim;
- Dzīsmis ap čyguonim i Zīmyssvātku svieteišonu;
- Ritualuos Zīmyssvātku rūtalis – “Koza i vylks”, “Boguotais i nabogais”;
- Ritualais dialogs storp saiminīkim i čyguonim, čyguonu masku teatralizāta “paruode”;
- Ritualuo Zīmyssvātku rūtaļa “Precinīki”;
- Latgaļu daņči/rūtaļdaņči;
- Dzīsmis ap čyguonim i Zīmyssvātku svieteišonu;
- Čyguonu pacīneišona i dzeišona paceli.
Uzastuos tradicionaluos muzykys grupa nu Ambeļu “Speiga”, vadeituoja Ilze Mežniece.