Leldīni sagaideisim ar dzīsmem, putynu bolsim i čaluošonu! Pasuokumā apbolvuosim fotoorientiešonuos akcejis “Kur putineņš?” daleibnīkus, minēsim putynu bolsus, smīsimēs leidz ar Rogovkys amaterteatri, nūskaidruosim stypruokuos i skaistuokuos ūlys saiminīkus i dzīduosim ar dzīduotuoju Andri Skuju. Zamuo bolsa eipašnīks Andris Skuja 90. godu suokuos tyka par šlagermuzykys superzvaigzni ar dzīsmi “Gaidi mani Ventas krastā”. Latvejis muzykys tiergā Andris sevi pīsaceja 1989. godā. Muokslinīks aktivai koncertej i īskaņoj jaunys dzīsmis. Pa itū laiku Andris Skuja ir īrakstejs naskaitomys dzīsmis, kuruos atrodušys ceļu iz klauseituoju sirdim i ir izdūtys vairuokūs solo albumūs. Īīšona pasuokumā bez moksys.