Pīterdīna Rogovkā

“Pīterdīna Rogovkā” itūgod tiks svieteita, gūdynojūt Pīteru davumu Nautrānu pogostam i Latgolai. Pasuokuma laikā nūtiks rodūšuo darbneica ar muolu, meistarklasēs “Muols rūkuos” radeitūs dorbu izstuode, Pītera Miglinīka dzīšmu laseišona, tautys muzykanta Pītera Belinska muziciešona i Pīteram Jurciņam veļteituo literatu konkursa nūslāgums (konkurss nūtyka literaruos jaunradis latgaliski veicynuošonys pasuokumu programys 2025 laikā, kū organizej latgalīšu kulturys kusteiba “Volūda” ar VKKF finansialu atbolstu). Pasuokumā uzastuos Sovvaļnīks ar Mareku, kas izpiļdeis dzīsmis ar Pītera Jurciņa vuordim, kai ari grupa “Klezmeri”, kas īpazeistynuos pasuokuma apmaklātuojus ar ebreju tautys muzyku, kas ari ir daļa nu Latgolys kulturviesturyskuo montuojuma
Piec pasuokuma motoklubs LOTIGOLA MCC pīduovuos pavyzynuot bārnus, kai ari vysu pasuokuma laiku dorbuosīs pīpyušamuos atrakcejis.
Pasuokuma programa:
12.45 LOTIGOLA MCC ībraukšona Rogovkys centrā;
13.00 Pīterdīnys koncerts i literatu konkursa nūslāgums;
14.30 LOTIGOLA MCC organizātī bārnu braucīni.
Napīmāruotu laika apstuokļu gadīnī pasuokums nūtiks Nautrānu kulturys centrā (bez pīpyušamūs atrakceju).
Pasuokums nūtiks ar Latvīšu viesturyskūs zemu atteisteibys programys 2025 finansialu atbolstu.