Sieņu dīna Iļžukolnā “Nu eimit tok jius vysi bakuot!”

Aktīvuos atpyutys pasuokums lelym i mozim. Baku laseišonys konkurss nu 12.00 leidz 14.30.
Pruoteigi byus pīsadaleit vysai saimei, partū, ka sieņuotuoja talants var globuotīs vysaidu vacumu ļaudīs. Tim, kas byus komandā, leluokys izredzis iz lobim panuokumim.
Piecpusdīņē viertēsim, kas nu kuram salaseits skaliņē. Svieršona, miereišona, paraudzeišona iz zūba – itū vysu dareis žureja, sieņuotuoji pa tam laikam, varēs paruodeit i pīruodeit sovys zynuošonys par sienem, kas aug myusu mežūs, atbyldūt vaicuojumim. Beiguos izzynuosim, kura komanda byus vyslobuokuo bakuotuja.
15.00 muzykals sveicīns nu dueta “Paprika”. Duets izveiduots 2012. godā, kod div aktivys, skaistys Latgolys laksteigolys sasatyka i sasadzīduoja. Tai nu juos vēļ tagad dzīd, roksta sovys dzīsmis, koncertej vysūs Latvejis nūvodūs.
Optimismys ir lipeigs – atnuocit, pasaklausit, ari jums pīlips kaida daļeņa gaišuos dzeivisprīcys!