Pīterdīna Rogovkā 2023
Namaineiga Rogovkā ir tradiceja 29. junī svieteit Pīterdīnu, kod nautrānīši gūdynoj dzejnīku Pīteru Jurceņu i vysus pogosta Pīterus. Ir bejuši koncerti, vakariešona pi gunkura, pogostu amatermuokslys kolektivu uzastuošona i citys aktivitatis, tok namaineigs ir pīminis breids Desetnīku kopūs, kurs itūgod nūtiks 18.00 stuņdēs.
Itūgod Pīterdīna tiks atzeimuota eipaši ļusteigi! 19.00 stuņdēs pi Nautrānu sporta hallis – KN (nalabvieleigu laika apstuokļu gadejumā – īšktelpuos) nūtiks Pīterdīnys koncerts.
Koncerta laikā nūtiks Literatu konkursa, kas ir veļteits Pītera Jurceņa pīmiņai, nūslāgums. Itūgod konkursa moto ir Pītera Jurceņa vuordi: “Kotrai laimeigai dīnai gon jau ir kaids aizkura dedziejs.” Kotrys nominacejis laureats sajims naudys premeju 100 (vīns symts) EUR apmārā, kai ari byus specbolva nu Latgalīšu volūdys, literaturys i kulturviesturis školuotuoju asociacejis (LVLKŠA) par bārnu prozu latgalīšu volūdā.
Ar vysaidom peršom gasteis stuostnīki Cybuļu Jurs, Krapacu Ļuce i Krakopu Zintis, kas pastuosteis ari par jūs jaunū gruomotu “Groznuo kuorta”.
Par ļustem kuojom i sirdei pasaryupēs folklorys kūpa “Upīte”, kas i dzīduos, i daņci vess.
Pasuokums nūtiks 29. junī:
18:00 – pīminis breids Desetnīku kopūs
19:00 – “Pīterdīna Rogovkā” – koncerts pi Nautrānu sporta hallis – KN, Literatu konkursa nūslāgums i laureatu apbolvuošona, Pīteru gūdynuošona.
Pasuokums nūtiks ar Vaļsts kulturkapitala fonda mierkprogramys “Latvīšu viesturiskūs zemu atteisteibys programma” atbaļsteituos Latgolys kulturys programys finansialu atbolstu.
Nautrānu apvīneibys kulturys pasuokumu organizatoru vadeituoja Inga Vigule
